କୋଲକାତାର ଇଡେନ ଗାର୍ଡେନରେ IPL ୨୦୨୫ର ଉଦଘାଟନୀ ଉତ୍ସବ ଏକ ଚମତ୍କାର ଢଙ୍ଗରେ ଅନୁଷ୍ଠିତ ହୋଇଥିଲା। ବଲିଉଡ ସୁପରଷ୍ଟାର ଶାହରୁଖ ଖାନ, ଗାୟକ ଶ୍ରେୟା ଘୋଷାଲ ଏବଂ କରଣ ଔଜଲା ଏବଂ ବଲିଉଡ ଅଭିନେତ୍ରୀ ଦିଶା ପାଟନି କାର୍ଯ୍ୟକ୍ରମରେ ଯୋଗ ଦେଇ ଏହି କାର୍ଯ୍ୟକ୍ରମରେ ଗ୍ଲାମର ବୃଦ୍ଧି କରିଥିଲେ।
ଶାହାରୁଖ ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲି ଓ ରିଙ୍କୁ ସିଂଙ୍କ ସହ ଡ୍ୟାନ୍ସ ମଧ୍ୟ କରିଥିଲେ । ଦିଶା ପାଟନୀ ଓ ପଞ୍ଜାବୀ ଗାୟମ କରଣ ଔଜଲ ମଧ୍ୟ ଆକର୍ଷଣୀୟ ପ୍ରଦର୍ଶନ କରିଥିଲେ । ଗତ ସଂସ୍କରଣର ଚାମ୍ପିୟନ କେକେଆରର ଅଧିନାୟକ ଅଜିଙ୍କ୍ୟ ରାହାଣେ ଓ ଆରସିବି ଅଧିନାୟକ ରଜତ ପାଟୀଦାର ଆଇପିଏଲ ଟ୍ରଫି ସହ ମଂଚକୁ ଆସିଥିଲେ । ଏବେ ପାଖାପାଖି ୨ ମାସ କ୍ରିକେଟର ମନୋରଞ୍ଜରୂପୀ ମୁକାବିଲାକୁ ଦର୍ଶକମାନେ ଉପଭୋଗ କରିବେ । ଏହା ପରେ, ଶାହରୁଖ ଖାନ ବିରାଟଙ୍କ ସହିତ ମଞ୍ଚ ଉପରେ ତାଙ୍କର ହିଟ ଗୀତ ଝୁମେ ଜୋ ପଠାନରେ ନାଚିଥିଲେ। ଉଭୟଙ୍କ ଏହି ନୃତ୍ୟ ଭିଡିଓ ଏହି ସମୟରେ ସୋସିଆଲ ମିଡିଆରେ ବହୁତ ଭାଇରାଲ ହେଉଛି।
କେବଳ ଏତିକି ନୁହେଁ, ଏହା ପରେ ଶାହରୁଖଙ୍କୁ ରିଙ୍କୁ ସିଂହଙ୍କ ସହ ନାଚୁଥିବାର ମଧ୍ୟ ଦେଖାଯାଇଥିଲା। ସେ ରିଙ୍କୁଙ୍କ ସହିତ ଲୁଟ ପୂଟ ଗୟାରେ ନାଚିଥିଲେ।
