ବିବାଦୀୟ ଅଭିନେତ୍ରୀ ପୁନମ ପାଣ୍ଡେ ଜୀବିତ । ଇନଷ୍ଟାଗ୍ରାମରେ ସେୟାର କରି କହିଲେ ମୁଁ ମରିନାହିଁ ବଞ୍ଚିଛି । ଶୁକ୍ରବାର ପୁନମ ପାଣ୍ଡେଙ୍କ ଆକସ୍ମିକ ମୃତ୍ୟୁ ଖବର ସମସ୍ତଙ୍କୁ ଚକିତ କରି ଦେଇଥିଲା। ତାଙ୍କର ସର୍ଭାଇକାଲ କ୍ୟାନସରରେ ମୃତ୍ୟୁ ଘଟିଥିବା କୁହାଯାଉଥିଲା। ତାଙ୍କ ପିଆର ଟିମ ପୁନମଙ୍କ ମୃତ୍ୟୁକୁ ଖବରକୁ ନିଶ୍ଚିତ କରିଥିଲେ କିନ୍ତୁ ଏହା ବ୍ୟତୀତ ଆଉ କୌଣସି ସୂଚନା ନଥିଲା। ଆଜି ଶେଷରେ ଅଭିନେତ୍ରୀଙ୍କ ମୃତ୍ୟୁ ରହସ୍ୟ ସାମ୍ନାକୁ ଆସିଛି। ଅଭିନେତ୍ରୀ ନିଜେ ଇନଷ୍ଟାରେ ଭିଡିଓ ଶେୟାର କରି ପ୍ରକାଶ କରିଛନ୍ତି |ଜରାୟୁ କର୍କଟରେ ପୀଡିତ ଥିବା ନେଇ ମଧ୍ୟ ସୂଚନା ଦେଇଛନ୍ତି । ଏଥିରେ ସେ ସମ୍ପୂର୍ଣ୍ଣ ସୁସ୍ଥ ବସିଥିବାର ନଜର ଆସିଛନ୍ତି। ଅଭିନେତ୍ରୀ କହିଛନ୍ତି, ‘ମୁଁ ଜୀବିତ ଅଛି। ମୁଁ ଗର୍ଭାଶୟ କର୍କଟରେ ମରି ନଥିଲି । ଦୁର୍ଭାଗ୍ୟବଶତ, ମୁଁ ହଜାର ହଜାର ମହିଳାଙ୍କ ପାଇଁ ଏହା କହିପାରିବି ନାହିଁ, ଯେଉଁମାନେ ଗର୍ଭାଶୟ କର୍କଟ ସହିତ ଯୁଦ୍ଧରେ ଜୀବନ ହରାଇଛନ୍ତି ।
ସେ କିଛି ଜାଣି ନ ଥିବାରୁ ସେ ଏ ବିଷୟରେ କିଛି କରିପାରିଲେ ନାହିଁ । ମୁଁ ଆପଣଙ୍କୁ ଏଠାରେ କହିବାକୁ ଚାହେଁ ଯେ ଅନ୍ୟ କୌଣସି କର୍କଟ ପରି, ଗର୍ଭାଶୟ କର୍କଟକୁ ପରାସ୍ତ କରିବା ସମ୍ଭବ ଅଟେ । କେବଳ ଆପଣଙ୍କୁ ପରୀକ୍ଷା ସମାପ୍ତ କରିବାକୁ ହେବ । HPV ଟିକା ନେବାକୁ ହେବ ।
