ରାୟଗଡ଼ା ତା ୧୩/୧୦ ଓଡ଼ିଶା–ଆନ୍ଧ୍ରପ୍ରଦେଶ ସୀମାରେ ଗଲ୍ଫ, ଜଙ୍ଗଲ, ରୋମାଞ୍ଚ ଓ ଜନଜାତୀୟ ସଂସ୍କୃତିର ଅନନ୍ୟ ସମାଗମ । ଭାରତର ପ୍ରମୁଖ ଯାତ୍ରା ଏବଂ ଜୀବନଶୈଳୀ ଅନୁଭବ ପ୍ରଦାନକାରୀ କମ୍ପାନୀ ଡ୍ରିମ୍ଫକ୍ସ ସର୍ଭିସେସ୍ ଲିମିଟେଡ୍ ପକ୍ଷରୁ ଓଡ଼ିଶା ଓ ଆନ୍ଧ୍ରପ୍ରଦେଶ ସୀମାରେ ପୂର୍ବଘାଟ ଅଞ୍ଚଳରେ ଡ୍ରିମ୍ଫକ୍ସ କ୍ଲବ୍ ନାଗାବଳୀ ୱାଇଲ୍ଡରନେସ୍ ଇଷ୍ଟେଟ୍ର ଶୁଭାରମ୍ଭ କରାଯାଇଛି। ଅତିଥିମାନଙ୍କ ପାଇଁ ବିଶେଷ ଭାବେ ପ୍ରସ୍ତୁତ ଏହି ବେସରକାରୀ କ୍ଲବ୍ ପ୍ରାୟ ୩୦ ଏକର ଅଞ୍ଚଳରେ ପରିବ୍ୟାପ୍ତ। ଏଥିରେ ୨୫ ଏକରର ଗଲ୍ଫ କୋର୍ସ ମଧ୍ୟ ସାମିଲ ରହିଛି। ଏଠାରେ ଗଲ୍ଫ, ପ୍ରାକୃତିକ ସୌନ୍ଦର୍ଯ୍ୟ, ରୋମାଞ୍ଚକର କାର୍ଯ୍ୟକଳାପ ଏବଂ ସ୍ଥାନୀୟ ଜନଜାତୀୟ ଐତିହ୍ୟର ଏକ ଅନନ୍ୟ ଅନୁଭୂତି ମିଳିବ। ଏହି ଅବସରରେ ଇଷ୍ଟର୍ଣ୍ଣ ନେଭାଲ୍ କମାଣ୍ଡ, ବିଶାଖାପାଟଣାର ରିୟର ଆଡମିରାଲ୍ ଆର୍.ଏସ୍. ଥାନିୱାଲ୍, ଅଜିନୋମୋଟୋ ଫାର୍ମା କମ୍ପାନୀର ସିଇଓ କେ.ବି.ବି. ରାଜୁ ଏବଂ ଅନିତା ଗଲ୍ଫ ରିସର୍ଟର ପ୍ରବନ୍ଧ ନିର୍ଦ୍ଦେଶକ ଶ୍ୟାମପ୍ରିୟ ମିଶ୍ରଙ୍କ ସମେତ ଅନେକ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ। ଡ୍ରିମ୍ଫକ୍ସ ଅନୁସାରେ, ଆଜି ବିଳାସିତାର ପରିଭାଷା ଦ୍ରୁତଗତିରେ ବଦଳୁଛି। ଏବେ ଏହା କେବଳ ଭୌତିକ ସମ୍ପତ୍ତି ମଧ୍ୟରେ ସୀମିତ ନରହି ଦୁର୍ଲଭ ସ୍ଥାନ, ପ୍ରାମାଣିକ ସାଂସ୍କୃତିକ ଅନୁଭୂତି ଓ ସ୍ମରଣୀୟ ମୁହୂର୍ତ୍ତ ସହ ଜଡ଼ିତ ହେଉଛି। ନାଗାବଳୀ ୱାଇଲ୍ଡରନେସ୍ ଇଷ୍ଟେଟ୍ ଏହି ଚିନ୍ତାଧାରା ଅନୁଯାୟୀ ପ୍ରସ୍ତୁତ କରାଯାଇଛି। ଏଠାରେ ଗଲ୍ଫ ସହିତ ପ୍ରକୃତି, ଜନଜାତୀୟ ସଂସ୍କୃତି ଓ ସାହସିକ କାର୍ଯ୍ୟକଳାପର ଆନନ୍ଦ ନିଆଯାଇପାରିବ।
ନାଗାବଳୀ ନଦୀର ନାମ ଅନୁସାରେ ଏହି କ୍ଲବ୍ର ନାମକରଣ କରାଯାଇଛି। ନାଗାବଳୀ ନଦୀ ଓଡ଼ିଶା ଓ ଆନ୍ଧ୍ରପ୍ରଦେଶ ମଧ୍ୟରେ ସୀମା ଅଞ୍ଚଳର ଏକ ଗୁରୁତ୍ୱପୂର୍ଣ୍ଣ ଅଂଶ। ଏଠାରେ ଗଲ୍ଫ ଖେଳୁଥିବା ଖେଳାଳିମାନେ ଓଡ଼ିଶା ପକ୍ଷରୁ ଖେଳ ଆରମ୍ଭ କରି ଆନ୍ଧ୍ରପ୍ରଦେଶ ସୀମା ପର୍ଯ୍ୟନ୍ତ ପହଞ୍ଚିପାରିବେ। ଏହି ବିଶେଷତା ଗଲ୍ଫ କୋର୍ସକୁ ଏକ ଭିନ୍ନ ପରିଚୟ ପ୍ରଦାନ କରିଛି। ଏହା ବ୍ୟତୀତ ସଦସ୍ୟମାନେ ପୂର୍ବଘାଟର ପ୍ରାକୃତିକ ପରିବେଶର ଆନନ୍ଦ ନେଇପାରିବେ। ଜନଜାତି ପରମ୍ପରା ଓ ସାଂସ୍କୃତିକ ପରିବେଷଣ ସହ ପରିଚିତ ହେବା, ସ୍ଥାନୀୟ କଳା ଓ ହସ୍ତଶିଳ୍ପ ଦେଖିବା ଏବଂ ଆଞ୍ଚଳିକ ଖାଦ୍ୟର ସ୍ୱାଦ ନେବାର ସୁଯୋଗ ମଧ୍ୟ ମିଳିବ। ଡ୍ରିମ୍ଫକ୍ସ ସର୍ଭିସେସ୍ ଲିମିଟେଡ୍ର ସଂସ୍ଥାପକ, ଅଧ୍ୟକ୍ଷ ଓ ପ୍ରବନ୍ଧ ନିର୍ଦ୍ଦେଶକ ଲିବର୍ଥା କଲ୍ଲଟ୍ କହିଛନ୍ତି ଯେ, କମ୍ପାନୀ ବର୍ଷ ବର୍ଷ ଧରି ଲୋକମାନଙ୍କୁ ବିଶିଷ୍ଟ ଅନୁଭୂତି ସହ ଯୋଡ଼ିବା ପାଇଁ କାମ କରୁଛି। ଡ୍ରିମ୍ଫକ୍ସ କ୍ଲବ୍ର ଶୁଭାରମ୍ଭ ସହିତ କମ୍ପାନୀ ପାଖରେ ସଦସ୍ୟମାନଙ୍କୁ ସ୍ୱାଗତ କରିବା ପାଇଁ ଏକ ବିଶେଷ ସ୍ଥାନ ରହିଛି। ଏହାର ଆରମ୍ଭ ନାଗାବଳୀ ୱାଇଲ୍ଡରନେସ୍ ଇଷ୍ଟେଟ୍ରୁ ହୋଇଛି। ପ୍ରକୃତ ବିଳାସିତ ଏଭଳି ଅନୁଭୂତିରେ ରହିଛି, ଯାହା ଦୁର୍ଲଭ ସ୍ଥାନ, ସଂସ୍କୃତି ଓ ପରମ୍ପରା ସହିତ ଲୋକଙ୍କୁ ଯୋଡ଼ିଥାଏ। ଏଠାରେ ଦିନର ଆରମ୍ଭ ନଦୀ ପାର୍ଶ୍ୱରେ ଗଲ୍ଫ ଖେଳିବାରୁ ହୋଇପାରିବ ଏବଂ ସନ୍ଧ୍ୟା ସମୟରେ ସ୍ଥାନୀୟ ସମୁଦାୟର ଗୀତ ଓ କାହାଣୀ ଶୁଣିବା ସହିତ ସମୟ ବିତାଇ ହେବ। ଏହିପରି ଭାବରେ ପର୍ଯ୍ୟଟକମାନେ ପ୍ରକୃତି ଓ ସଂସ୍କୃତିର ନିକଟତର ହୋଇପାରିବେ।ଇଷ୍ଟେଟ୍ରେ ଗଛଗୁଡ଼ିକ ମଧ୍ୟରେ ମୋଟ ୩୭ଟି କଟେଜ୍ ନିର୍ମାଣ କରାଯାଇଛି। ସେଥିମଧ୍ୟରୁ ୨୦ଟି ଲଗ୍ଜରୀ କଟେଜ୍ ଏବଂ ୧୭ଟି ପରିବେଶ ଅନୁକୂଳ କଟେଜ୍ ରହିଛି। ଏଠାରେ ଖୋଲା ପରିବେଶରେ ରହିବା ସହ ରିସର୍ଟର ଆଧୁନିକ ସୁବିଧା ଓ ଭାରତୀୟ ଏବଂ ଅନ୍ତର୍ଜାତୀୟ ଖାଦ୍ୟର ସ୍ୱାଦ ନେଇହେବ। ଏହା ସହିତ ୫୦ରୁ ୭୫ ଜଣଙ୍କ ବୈଠକ ପାଇଁ ଏକ ହଲ୍ ମଧ୍ୟ ନିର୍ମାଣ କରାଯାଇଛି। ଶାନ୍ତ ପ୍ରାକୃତିକ ପରିବେଶରେ ବୈଠକ ଓ ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜନ କରିବା ସହ ସଦସ୍ୟମାନେ ଗଲ୍ଫ ଖେଳିବା ଓ ଗଛ ତଳେ ସଙ୍ଗୀତ କାର୍ଯ୍ୟକ୍ରମର ଆନନ୍ଦ ନେଇପାରିବେ।
ଡ୍ରିମ୍ଫକ୍ସ ଭାରତର ପ୍ରମୁଖ ଯାତ୍ରା ଓ ଜୀବନଶୈଳୀ ଅନୁଭବ ପ୍ରଦାନକାରୀ କମ୍ପାନୀଗୁଡ଼ିକ ମଧ୍ୟରୁ ଅନ୍ୟତମ। ଏହା ବିମାନବନ୍ଦର ଓ ଯାତ୍ରା ସମ୍ବନ୍ଧୀୟ ବିଭିନ୍ନ ସୁବିଧା ପ୍ରଦାନ କରେ। ଏଥିରେ ଲାଉଞ୍ଜ୍ ସୁବିଧା, ମିଟ୍ ଆଣ୍ଡ୍ ଆସିଷ୍ଟ୍, ଏୟାରପୋର୍ଟ ଟ୍ରାନ୍ସଫର୍, ସ୍ପା ଓ ୱେଲନେସ୍, ଖାଦ୍ୟପାନୀୟ, ଟ୍ରାଭେଲ୍ ସିମ୍, ବିୟୁଟି ଓ ଗ୍ରୁମିଂ ଏବଂ ରାଜପଥରେ ଭୋଜନ ଭଳି ସେବା ଅନ୍ତର୍ଭୁକ୍ତ। ସେପ୍ଟେମ୍ବର ୨୦୨୨ରେ କମ୍ପାନୀର ଶେୟାର ବିଏସ୍ଇ ଓ ଏନ୍ଏସ୍ଇରେ ତାଲିକାଭୁକ୍ତ ହୋଇଥିଲା। କମ୍ପାନୀର ସେବା ୧୦୦ରୁ ଅଧିକ ଦେଶରେ ୬,୦୦୦ରୁ ଅଧିକ ସମ୍ପର୍କ କେନ୍ଦ୍ର ମାଧ୍ୟମରେ ଉପଲବ୍ଧ ରହିଛି।
କମ୍ପାନୀ ନିଜସ୍ୱ ପ୍ରଯୁକ୍ତି ମଞ୍ଚ ମାଧ୍ୟମରେ ବ୍ୟାଙ୍କ, କାର୍ଡ ନେଟୱର୍କ, ବିମାନ କମ୍ପାନୀ, ଅନଲାଇନ୍ ଟ୍ରାଭେଲ୍ ଏଜେନ୍ସି ଓ ଅନ୍ୟାନ୍ୟ ସଂସ୍ଥାକୁ ସେମାନଙ୍କ ଗ୍ରାହକଙ୍କ ପାଇଁ ବିଶେଷ ସେବା ପ୍ରସ୍ତୁତ କରିବାରେ ସହାୟତା କରିଥାଏ।
