ଜାନୁଆରୀ ୨୫ରେ ପ୍ରେକ୍ଷାଳୟରେ ମୁକ୍ତିଲାଭ କରିଛି ହ୍ରିତିକ ରୋଶନ-ଦୀପିକା ପାଦୁକୋନଙ୍କ ଅଭିନୀତ ଫିଲ୍ମ ‘ଫାଇଟର୍’। ଏହା ଆରମ୍ଭ ଦିନରୁ ହିଟ୍ ସାବ୍ୟସ୍ତ ହୋଇଛି। ଫିଲ୍ମଟି ପ୍ରଥମ ଦିନରୁ ବହୁତ ଭଲ ରୋଜଗାର କରିଛି। ବକ୍ସ ଅଫିସରେ ଜବରଦସ୍ତ ରୋଜଗାର ହେବା ପରେ ‘ଫାଇଟର୍’ ଦ୍ୱିତୀୟ ଦିନରେ ଟିକେଟ ଓିଣ୍ଡୋରେ ବମ୍ପର ରୋଜଗାର କରିଥିଲା। ଫିଲ୍ମଟି ଖୁବ କମ ଦିନରେ ୨୦୦କୋଟିରୁ ଅଧିକ ଟଙ୍କା ଆୟ କରିଛି। ବିଶ୍ବ ବକ୍ସ ଅଫିସର ଆୟକୁ ମିଶାଇ ଫିଲ୍ମଟି ୨୦୦କୋଟିରୁ ଅଧିକ ଟଙ୍କା ଆୟ କରିଥିବା ଜଣାପଡ଼ିଛି।ପ୍ରଥମ ଦିନରେ ଏହି ଚଳଚ୍ଚିତ୍ରଟି ଭାରତରେ ୨୨.୫୦ କୋଟି ଟଙ୍କା ରୋଜଗାର କରିଥିଲା।
ଏହା ସହ ଦ୍ୱିତୀୟ ଦିନରେ ୩୯.୫କୋଟି ଟଙ୍କା, ତୃତୀୟ ଦିନରେ ୨୭.୫ କୋଟି ଟଙ୍କା ଏବଂ ଚତୁର୍ଥ ଦିନରେ ୨୯କୋଟି ଟଙ୍କାର ବ୍ୟବସାୟ କରିଥିଲା। ସପ୍ତାହ ଶେଷରେ ଅର୍ଥାତ୍ ଏହି ଚଳଚ୍ଚିତ୍ରଟି ପ୍ରଥମ ୪ଦିନରେ ଭାରତରେ ମୋଟ ୧୧୮.୫୦ କୋଟି ଟଙ୍କା ଆୟ କରିଛି। ଯଦି ଆମେ ବିଶ୍ବ ବକ୍ସ ଅଫିସର ଆୟକୁ ଦେଖିବା ତେବେ ଫିଲ୍ମଟି ମୋଟ ୨୦୦କୋଟି ଟଙ୍କା ଆୟ କରିସାରିଥିବା ଜଣାପଡ଼ିଛି।
