ବଲିଉଡ୍ର କିଙ୍ଗ୍ ଖାନ୍ ଶାହାରୁଖଙ୍କ ପାଇଁ ଚିନ୍ତାଜନକ ଖବର। ଅସୁସ୍ଥ ହୋଇ ଅହମ୍ମଦାବାଦର କେଡି ହସ୍ପିଟାଲରେ ଭର୍ତ୍ତି ହୋଇଥିଲେ ଅଭିନେତା। ଡିହାଇଡ୍ରେଶନକୁ ନେଇ ପ୍ରାଥମିକ ଚିକିତ୍ସା ପରେ ତାଙ୍କୁ ଡିସଚାର୍ଜ କରାଯାଇଥିବା ଜଣାପଡ଼ିଛି।ତେବେ ଅତ୍ୟଧିକ ଗରମ ଯୋଗୁଁ ସ୍ବାସ୍ଥ୍ୟାବସ୍ଥା ବିଗିଡିବା ପରେ ଅହମଦାବାଦର କେଡି ହସ୍ପିଟାଲରେ ଚିକିତ୍ସିତ ହେଉଛନ୍ତି ଶାହରୁଖ ଖାନ୍ ।
କେକେଆର୍ ଟିମକୁ ସମର୍ଥନ ଦେବା ପାଇଁ ଶାହରୁଖ୍ ଅହମଦାବାଦରେ ପହଞ୍ଚିଥିଲେ । ଏହା ପରେ ଅତ୍ୟଧିକ ଗରମ ଯୋଗୁଁ ସେ ଅସୁସ୍ଥ ହୋଇପଡିଥିଲେ । ପ୍ରକାଶ ଯେ, ବର୍ତ୍ତମାନ ସମୟରେ ଭାରତର ଅନେକ ସହର ଭଳି ଅହମ୍ମଦାବାଦରେ ପ୍ରବଳ ଗରମ ଅନୁଭୂତ ହେଉଛି। ଏଠାରେ ଦିନରେ ୪୫ଡିଗ୍ରୀ ତାପମାତ୍ରା ରହୁଛି। ଏହାକୁ ନେଇ ପାଣିପାଗ ବିଭାଗ ରେଡ୍ ଆଲର୍ଟ୍ ଜାରି କରିଛି।
