ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଏକ ମୁକ୍ତ ବାଣିଜ୍ୟ ଚୁକ୍ତି (FTA) ୨୦ ଅକ୍ଟୋବର, ୨୦୨୬ ଠାରୁ କାର୍ଯ୍ୟକାରୀ ହୋଇଛି। ଏହି ଚୁକ୍ତିର ଉଦ୍ଦେଶ୍ୟ ହେଉଛି ଉଭୟ ଦେଶ ମଧ୍ୟରେ ବାଣିଜ୍ୟକୁ ପ୍ରୋତ୍ସାହିତ କରିବା ଏବଂ କମ୍ପାନୀଗୁଡ଼ିକୁ ନୂତନ ବଜାରରେ ପ୍ରବେଶ କରିବାର ସୁଯୋଗ ଯୋଗାଇ ଦେବା।କେନ୍ଦ୍ର ଶିଳ୍ପ ମନ୍ତ୍ରୀ ପୀୟୂଷ ଗୋୟଲ ୨୧ ସେପ୍ଟେମ୍ବର ୨୦୨୬ରେ ଏହା ଘୋଷଣା କରିଥିଲେ। ଏହି ଚୁକ୍ତିନାମାକୁ ନ୍ୟୁଜିଲାଣ୍ଡ ସଂସଦ ଅନୁମୋଦନ କରିସାରିଛି। ସେପ୍ଟେମ୍ବର ୧୬ ରେ ଭାରତ ସହିତ ହୋଇଥିବା ଚୁକ୍ତିନାମା ସପକ୍ଷରେ ୯୩ ସଦସ୍ୟ ଭୋଟ୍ ଦେଇଥିଲେ। ବିପକ୍ଷରେ ୨୯ ଭୋଟ୍ ପଡ଼ିଥିଲା।ଏହି ସୂଚନା ନ୍ୟୁଜିଲାଣ୍ଡର ବାଣିଜ୍ୟ ଏବଂ ନିବେଶ ମନ୍ତ୍ରୀ ଟଡ୍ ମ୍ୟାକଲେ ଦେଇଥିଲେ। ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ କ୍ରିଷ୍ଟୋଫର ଲକ୍ସନ ଏହି ଚୁକ୍ତିନାମା ଉପରେ ଖୁସି ପ୍ରକାଶ କରିଛନ୍ତି।ନ୍ୟୁଜିଲାଣ୍ଡ ପ୍ରଧାନମନ୍ତ୍ରୀ କ୍ରିଷ୍ଟୋଫର ଲକ୍ସନ କହିଥିଲେ, ପ୍ରାୟ ତିନି ବର୍ଷ ପୂର୍ବେ, ମୁଁ ପ୍ରତିଶ୍ରୁତି ଦେଇଥିଲି ଯେ, ଯଦି ଆମ ଦଳ ନିର୍ବାଚିତ ହୁଏ ତେବେ ଆମେ ଆମର ପ୍ରଥମ କାର୍ଯ୍ୟକାଳରେ ଭାରତ ସହିତ ଏକ ମୁକ୍ତ ବାଣିଜ୍ୟ ଚୁକ୍ତି ସୁରକ୍ଷିତ କରିବୁ। ଆମେ ସେହି ଚୁକ୍ତିକୁ ଚୂଡ଼ାନ୍ତ କରିଛୁ, ଯାହା ଆସନ୍ତା ମାସରୁ କାର୍ଯ୍ୟକାରୀ ହେବ। ସେ କହିଛନ୍ତି ଯେ ଏହା ରପ୍ତାନିକାରୀଙ୍କ ପାଇଁ ଅଧିକ ସୁଯୋଗ, ବ୍ୟବସାୟ ପାଇଁ ଦୃଢ଼ ଅଭିବୃଦ୍ଧି ଏବଂ ନ୍ୟୁଜିଲାଣ୍ଡ ପାଇଁ ଅଧିକ ନିଯୁକ୍ତି ଏବଂ ଆୟ ସୃଷ୍ଟି କରିବ।ଏହି ଚୁକ୍ତି ଅଧୀନରେ, ଭାରତୀୟ ସାମଗ୍ରୀଯେପରିକି କପଡ଼ା, ଚପଲ/ଜୋତା, ଚମଡ଼ା ସାମଗ୍ରୀ, ଔଷଧ ଏବଂ ଇଞ୍ଜିନିୟରିଂ ସାମଗ୍ରୀନ୍ୟୁଜିଲ୍ୟାଣ୍ଡ ବଜାରରେ ଶୁଳ୍କମୁକ୍ତ ଭାବେ ପ୍ରବେଶ କରିପାରିବ।
ଏହାର ପ୍ରତିବଦଳରେ, ଭାରତ ମଧ୍ୟ ନ୍ୟୁଜିଲ୍ୟାଣ୍ଡର ବିଭିନ୍ନ ଉତ୍ପାଦ ଉପରେ ଶୁଳ୍କ ରିହାତି ପ୍ରଦାନ କରିବ। ଏହି ଚୁକ୍ତିରେ ଭାରତୀୟ ବୃତ୍ତିଜୀବୀମାନଙ୍କ ପାଇଁ ନିଯୁକ୍ତି ସୁଯୋଗ ବୃଦ୍ଧି କରିବା ଏବଂ ବାଣିଜ୍ୟ ସମ୍ବନ୍ଧୀୟ ପ୍ରକ୍ରିୟାଗୁଡ଼ିକୁ ସରଳ କରିବା ପାଇଁ ମଧ୍ୟ ବ୍ୟବସ୍ଥା ରହିଛି। ଏହି ଚୁକ୍ତିକୁ କେବଳ ଭାରତର ରପ୍ତାନି ବୃଦ୍ଧି କରିବାର ଏକ ସୁଯୋଗ ଭାବରେ ଦେଖାଯାଉନାହିଁ; ବରଂ ଏହା ଆଇଟି (IT), ଇଞ୍ଜିନିୟରିଂ, ଶିକ୍ଷା ଏବଂ ସ୍ବାସ୍ଥ୍ୟସେବା ଭଳି କ୍ଷେତ୍ରରେ କାର୍ଯ୍ୟରତ ବୃତ୍ତିଜୀବୀମାନଙ୍କ ପାଇଁ ମଧ୍ୟ ଲାଭଦାୟକ ହେବ ବୋଲି ଆଶା କରାଯାଉଛି। ତେବେ, ଏହି ସୁବିଧାଗୁଡ଼ିକ କେବଳ ନିର୍ଦ୍ଧାରିତ ସର୍ତ୍ତାବଳୀ ଅନୁଯାୟୀ ବ୍ୟବସାୟିକ ପ୍ରତିଷ୍ଠାନ ଏବଂ ଯୋଗ୍ୟ ବୃତ୍ତିଜୀବୀମାନଙ୍କୁ ଉପଲବ୍ଧ ହେବ।ଏହି ଚୁକ୍ତି ଦ୍ୱାରା ଉପକୃତ ହେବାକୁ ଥିବା ପ୍ରମୁଖ କ୍ଷେତ୍ରଗୁଡ଼ିକ ମଧ୍ୟରେ ପୋଷାକ, ବସ୍ତ୍ର, ଜୋତା, ଚମଡ଼ା ସାମଗ୍ରୀ, ଔଷଧ, ଯନ୍ତ୍ରପାତି ଏବଂ ଇଞ୍ଜିନିୟରିଂ ସାମଗ୍ରୀ ଅନ୍ତର୍ଭୁକ୍ତ। ଏହା ବ୍ୟତୀତ, ଚା, କଫି, ମସଲା, ଫଳ ଓ ପନିପରିବା, ପ୍ରକ୍ରିୟାକୃତ ଖାଦ୍ୟ ସାମଗ୍ରୀ, ସାମୁଦ୍ରିକ ଉତ୍ପାଦ ତଥା ପ୍ଲାଷ୍ଟିକ ଓ ରବର ଜନିତ ସାମଗ୍ରୀ ରପ୍ତାନି କରୁଥିବା ବ୍ୟବସାୟୀଙ୍କ ପାଇଁ ନୂତନ ସୁଯୋଗ ସୃଷ୍ଟି ହୋଇପାରେ।
କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୂଷ ଗୋୟଲଙ୍କ ଅନୁଯାୟୀ, ଶ୍ରମ-ନିର୍ଭରଶୀଳ ଶିଳ୍ପଗୁଡ଼ିକଯେପରିକି ବସ୍ତ୍ର, ଚମଡ଼ା ଏବଂ ପାଦୁକା ଶିଳ୍ପଏହି ଚୁକ୍ତିରୁ ବିଶେଷ ଲାଭ ପାଇବେ ବୋଲି ଆଶା କରାଯାଉଛି।
