ଭୟଙ୍କର ଭୂକମ୍ପରେ ୩୯,୦୦୦ ରୁ ଅଧିକ ନିଖୋଜ । ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ।ମାତ୍ର କେଇ ସେକେଣ୍ଡ ବ୍ୟବଧାନରେ ଆସିଥିବା ଦୁଇ ଦୁଇଟି ଶକ୍ତିଶାଳୀ ଭୂକମ୍ପ ସାରା ଦେଶକୁ ସ୍ତବ୍ଧ କରିଦେଇଛି। ରିକ୍ଟର ସ୍କେଲରେ ଏହାର ତୀବ୍ରତା ଯଥାକ୍ରମେ ୭.୨ ଏବଂ ୭.୫ ରେକର୍ଡ କରାଯାଇଛି। ରାଜଧାନୀ ପଶ୍ଚିମରେ ଥିବା ୟାରାକୁଇ ପ୍ରଦେଶ ଏହାର କେନ୍ଦ୍ରସ୍ଥଳ ହୋଇଥିବା ବେଳେ ଏହାର ପ୍ରଭାବରେ ଜନବସତିପୂର୍ଣ୍ଣ କାରାକାସ୍ ଏବଂ ବନ୍ଦର ସହର ଲା ଗୁଆଇରା ସମ୍ପୂର୍ଣ୍ଣ ଛାରଖାର ହୋଇଯାଇଛି।ଭୂମିକମ୍ପରେ ଏପର୍ଯ୍ୟନ୍ତ ୨୩୫ ଜଣଙ୍କର ମୃତ୍ୟୁ ହୋଇଛି। ୧୫୦୦ ରୁ ଅଧିକ ଲୋକ ଆହତ ହୋଇଛନ୍ତି। ଯେତେବେଳେ ୨୦୦ ରୁ ଅଧିକ ଲୋକ ଭଗ୍ନାବଶେଷ ତଳେ ଫସି ରହିଛନ୍ତି। ଏହା ମଧ୍ୟ ଆଶଙ୍କା କରାଯାଉଛି ଯେ ୩୯,୦୦୦ ରୁ ଅଧିକ ଲୋକ ନିଖୋଜ ଅଛନ୍ତି। ଗତ ୧୨୬ ବର୍ଷ ମଧ୍ୟରେ ଭେନେଜୁଏଲାରେ ହୋଇଥିବା ଏହା ସବୁଠାରୁ ଶକ୍ତିଶାଳୀ ଭୂମିକମ୍ପ ମଧ୍ୟରୁ ଗୋଟିଏ। ବ୍ରାଜିଲର ଆମାଜନ ଅଞ୍ଚଳ ପର୍ଯ୍ୟନ୍ତ ଏହି ଭୂକମ୍ପ ଅନୁଭୂତ ହୋଇଥିଲା।ବଡ଼ବଡ଼ କୋଠା ଭାଙ୍ଗିଥିବାରୁ ମୃତ୍ୟୁସଂଖ୍ୟା ୧୦ ହଜାର ଟପିପାରେ ବୋଲି କର୍ତ୍ତୃପକ୍ଷ ଆଶଙ୍କା କରୁଛନ୍ତି। ଏବେ ଉଦ୍ଧାର କାର୍ୟ୍ୟଜାରି ରହିଛି।ଭୂକମ୍ପ ପରେ, ଅନେକ ଅଞ୍ଚଳରେ ବିଦ୍ୟୁତ୍, ମୋବାଇଲ୍ ନେଟୱାର୍କ, ମେଟ୍ରୋ ସେବା ଏବଂ ଗ୍ୟାସ୍ ଯୋଗାଣ ବନ୍ଦ ହୋଇଯାଇଛି। ସ୍କୁଲଗୁଡ଼ିକୁ ବନ୍ଦ କରିଦିଆଯାଇଛି ଏବଂ ଅନେକକୁ ରିଲିଫ୍ କ୍ୟାମ୍ପ ଏବଂ ସହାୟତା କେନ୍ଦ୍ରରେ ପରିଣତ କରାଯାଉଛି। ଲୋକମାନେ ସେମାନଙ୍କର ନିଖୋଜ ପ୍ରିୟଜନଙ୍କ ଫଟୋ ଥିବା ପୋଷ୍ଟର ଲଗାଉଛନ୍ତି। ଯେତେବେଳେ ବିଦେଶରେ ରହୁଥିବା ଭେନେଜୁଏଲାରମାନେ ମଧ୍ୟ ସେମାନଙ୍କ ପରିବାର ସହିତ ଯୋଗାଯୋଗ କରିବାକୁ ଚେଷ୍ଟା କରୁଛନ୍ତି।
