ସ୍ୱଳ୍ପ ଚଳଚ୍ଚିତ୍ର ରିଲିଜ୍ ଏବଂ ଦର୍ଶକଙ୍କ ଆଗମନ ସଂଖ୍ୟା ହ୍ରାସ କାରଣରୁ ସଂଗ୍ରାମ କରୁଥିବା ପ୍ରେକ୍ଷାଳୟଗୁଡିକ ଅଧିକ ଦର୍ଶକଙ୍କୁ ଆକୃଷ୍ଟ କରିବା ଲାଗି ରିହାତି ଟିକେଟ୍ ପ୍ରଦାନ କରିବେ। ମଲ୍ଟିପ୍ଲେକ୍ସ ଏବଂ ସିଙ୍ଗଲ୍ ସ୍କ୍ରିନ୍ ସିନେମାଗୁଡ଼ିକ ମିଳିତ ହୋଇ ମେ ୩୧ ରେ ମାତ୍ର ୯୯ ଟଙ୍କାରେ ଦର୍ଶକଙ୍କୁ ସିନେମା ଦେଖିବାର ସୁଯୋଗ ପ୍ରଦାନ କରିବେ, ଯାହା ‘ସିନେମା ପ୍ରେମୀ ଦିବସ’ ଭାବରେ ପାଳନ କରାଯିବ।
ଚଳିତ ଥର ସିନେପ୍ରେମୀ ଦିବସରେ ରାଜକୁମାର ରାଓ-ଜାହ୍ନବୀ କପୁରଙ୍କ ଫିଲ୍ମ ‘ମିଷ୍ଟର ଆଣ୍ଡ୍ ମିଷ୍ଟ୍ରେସ୍ ମାହି’, ‘ହାଇକ୍ୟୁ ଦି ଡମ୍ପଷ୍ଟର ବ୍ୟାଟେଲ୍’, ‘ଇଫ୍’, ‘ଛୋଟା ଭୀମ୍ ଆଣ୍ଡ୍ ଦି କର୍ସ ଅଫ୍ ଦମୟାନ’, ରାଜକୁମାର ରାଓଙ୍କ ‘ଶ୍ରୀକାନ୍ତ’, ମନୋଜ ବାଜପେୟୀଙ୍କ ‘ଭୈୟା ଜୀ’, ‘କିଙ୍ଗ୍ଡମ୍ ଅଫ୍ ଦି ପ୍ଲାନେଟ୍ ଅଫ୍ ଦି ଏପ୍ସ’ ଆଦି ଅନେକ ନୂଆ ଚଳଚ୍ଚିତ୍ର ଦେଖିପାରିବେ ଦର୍ଶକ। ଏକ୍ସ ଜରିଆରେ ଏନେଇ ସୂଚନା ଦେଇଛି ପିଭିଆର। ଏଥିସହ ଟିକେଟ୍ ବୁକିଂ ସମ୍ବନ୍ଧୀୟ ସୂଚନା ମଧ୍ୟ ଦିଆଯାଇଛି।
