ଲୋକପ୍ରିୟ ଧାରାବାହିକ ମହାଭାରତ ଷ୍ଟାର (କୃଷ୍ଣ ଭୂମିକାରେ) ନୀତୀଶ ଭରଦ୍ୱାଜ ଏବଂ ତାଙ୍କ ପତ୍ନୀ ସ୍ମିତା ଭରଦ୍ୱାଜଙ୍କ ମଧ୍ୟରେ ବିବାଦ କୌଣସି ଗୁପ୍ତ କଥା ନୁହେଁ। ଗତ କିଛି ମାସ ମଧ୍ୟରେ ଦୁହେଁ ପରସ୍ପର ବିରୋଧରେ ଅନେକ ଅଭିଯୋଗ ଆଣିଛନ୍ତି। ତାଙ୍କ କହିବା ମୁତାବକ, ‘ମୋତେ ବିବାହରେ ସବୁ ପ୍ରକାର ଅତ୍ୟାଚାରର ସମ୍ମୁଖୀନ ହେବାକୁ ପଡିଛି। ଯଦି ମୁଁ ମୋ ୧୧ବର୍ଷର ଝିଅ କହିଥିବା କଥା ଆପଣଙ୍କୁ କୁହେ, ତେବେ ଆପଣମାନେ ଆଶ୍ଚର୍ଯ୍ୟ ହୋଇଯିବେ | ମୋ ୧୧ ବର୍ଷର ଝିଅମାନେ ମୋତେ କହିଥିଲେ, ବାପା, ତୁମକୁ ବାପା ବୋଲି ଡାକିବାକୁ ଘୃଣା ଲାଗୁଛି | ଏହା ଶୁଣି ମୋ ପାଦ ତଳୁ ମାଟି ଖସି ଯାଇଥିଲା |
କିଛି ଦିନ ତଳେ ନିତିଶଙ୍କ ପତ୍ନୀ ଅଭିଯୋଗ କରିଥିଲେ ଯେ, “ମୁଁ ଚାକିରି ଛାଡିଦିଏ ବୋଲି ନୀତୀଶ ଚାହୁଁଥିଲେ। ଯେତେବେଳେ ମୁଁ ଚାକିରି ଛାଡ଼ିବାକୁ ରାଜି ହେଲିନାହିଁ, ସେ ମୋତେ ଛାଡପତ୍ର ମାଗିଥିଲେ। ଛାଡପତ୍ର ପାଇଁ ମୁଁ ରାଜି ହୋଇଯିବାରୁ ସେ ତାଙ୍କର ସହମତି ଦେବା ପାଇଁ ମୋତେ ଟଙ୍କା ମାଗିଥିଲି। ହେଲେ ମୁଁ ଟଙ୍କା ଦେବାକୁ ମନା କରିବାରୁ ସେ ରାଗରେ ଏଭଳି ମିଛ ଆରୋପ ଲଗାଇବା ଆରମ୍ଭ କରିଛନ୍ତି। କିଛି ଦିନ ତଳେ ସେ ପିଲାଙ୍କୁ ଭେଟିଥିଲେ। ଫେବ୍ରୁଆରି ୧୩ରେ ସେ ପିଲାଙ୍କୁ ଭେଟିବାକୁ ଆସିବେ ବୋଲି ଯୋଜନା ଥିଲା। ହେଲେ ସେ ଜାଣିଶୁଣି ଭେଟିବାକୁ ନଆସି ଫେବ୍ରୁଆରି ୧୪ରେ ସାମ୍ବାଦିକ ସମ୍ମିଳନୀ କରିଥିଲେ ଏବଂ ମୁଁ ତାଙ୍କୁ ପିଲାମାନଙ୍କ ସହ ଦେଖା କରିବାକୁ ଦେଉନାହିଁ ବୋଲି କହିଥିଲେ।”
ସେ ଆହୁରି କହିଥିଲେ ଯେ, “ଜନ୍ମ ପରଠାରୁ ସେ ପିଲାମାନଙ୍କର ଖର୍ଚ୍ଚ ଉଠାଇନାହାନ୍ତି। ପିଲାଙ୍କ ପାଇଁ ତାଙ୍କର ଅବଦାନ ଶୂନ। ସେ କେବେ ବି ପିଲାଙ୍କ ସ୍କୁଲ ଫି’ ଦେଇନାହାଁନ୍ତି କିମ୍ବା ସେମାନଙ୍କୁ ଲାଳନପାଳନ କରିବା ପାଇଁ କୌଣସି ରକ୍ଷଣାବେକ୍ଷଣ ରାଶି ମଧ୍ୟ ପ୍ରଦାନ କରିନାହାଁନ୍ତି। ଜଣେ ବାପା ହିସାବରେ ସେ ବିଫଳ। ”ନୀତୀଶ ଆହୁରି ଯୁକ୍ତି ବାଢ଼ିଥିଲେ ଯେ ଯେଉଁ ଅସ୍ଥିରତା ଚାଲିଛି ତାହାର ମୁକାବିଲା କିପରି କରିବେ ସେ ଜାଣନ୍ତି ନାହିଁ। ଟଙ୍କା ମାଗୁଥିବା ପତ୍ନୀଙ୍କ ଅଭିଯୋଗ ଉପରେ ପ୍ରତିକ୍ରିୟା ରଖି ସେ କହିଛନ୍ତି, ମୁଁ ଟଙ୍କା ମାଗୁଥିବା କଥା ମିଛ। ମୁଁ ମୋର ଟଙ୍କା ମାଗୁଛି ଯାହା ମୁଁ ଠକେଇର ଶିକାର ହୋଇଥିଲି। ମୁଁ ଅନୁଭବ କରୁଛି ଯେ ମୁଁ ପ୍ରତାରିତ। ତେଣୁ ଆଜି ମୁଁ ମୋ ପିଲାଙ୍କ ପାଇଁ ଲଢ଼େଇ ଲଢୁଛି। ତେଣୁ ମୁଁ ଜାଣେ ନାହିଁ ଯେ ମୁଁ ଅନ୍ୟ କୌଣସି ମହିଳାଙ୍କୁ ନ୍ୟାୟ ଦେଇପାରିବି କି ନାହିଁ। ବିବାହ ମୋ ପାଇଁ ସ୍ୱତନ୍ତ୍ର। ମୁଁ ଏଥିରେ ବିଶ୍ୱାସ କରେ। ମୁଁ ମୋ ପିତାମାତାଙ୍କ ବିବାହ ସମେତ ଅନେକ ସଫଳ ବିବାହ ଦେଖିଛି।
