ଅନେକ ଫିଲ୍ମ ତାରକା ମାଳଦ୍ୱୀପ ବିବାଦକୁ ନେଇ ସୋସିଆଲ ମିଡିଆ ମାଧ୍ୟମରେ ଭାରତୀୟ ପର୍ଯ୍ୟଟନକୁ ସମର୍ଥନ କରୁଥିବା ବେଳେ ନିଜର ମତାମତ ଦେଉଛନ୍ତି। କିନ୍ତୁ ଏହା ଭିତରେ ରଣବୀର ସିଂ ମଧ୍ୟ ଏକ ପୋଷ୍ଟ କରିଛନ୍ତି। ସେ ଲେଖିଛନ୍ତି- ‘ଚାଲ ୨୦୨୪ ରେ ଭାରତ ଗସ୍ତ କରିବା ଏବଂ ଆମ ଦେଶର ସଂସ୍କୃତି ଦେଖିବା ।ଆମ ଦେଶରେ ବହୁତ ସୁନ୍ଦର ବେଳାଭୂମି ଅଛି। କିନ୍ତୁ ଲାକ୍ଷାଦ୍ୱୀପକୁ ସମର୍ଥନ କରୁଥିବା ଏହି ପୋଷ୍ଟରେ ରଣବୀର ଏକ ସ୍ଥାନର ଫଟୋ ରଖିଛନ୍ତି ଯେଉଁଥିପାଇଁ ସେ ଟ୍ରୋଲର ଶିକାର ହୋଇଛନ୍ତି।ରଣବୀର ତାଙ୍କ ପୋଷ୍ଟରେ ଲେଖିଛନ୍ତି, ବେଳାଭୂମି ଏବଂ ସୌନ୍ଦର୍ଯ୍ୟ ସମେତ ଆମ ଦେଶରେ ଦେଖିବାକୁ ଏବଂ ଅନୁସନ୍ଧାନ କରିବାକୁ ବହୁତ କିଛି ଅଛି।
ବର୍ତ୍ତମାନ ରଣବୀରଙ୍କ ଏହି ପୋଷ୍ଟ ବିଷୟରେ ସୋସିଆଲ ମିଡିଆ ବ୍ୟବହାରକାରୀମାନେ ଦାବି କରିଛନ୍ତି ଯେ ଏହି ପୋଷ୍ଟରେ ଅଭିନେତା ବ୍ୟବହାର କରିଥିବା ଫଟୋ ଅନ୍ୟ କୌଣସି ସ୍ଥାନରୁ ନୁହେଁ ବରଂ ମାଳଦ୍ୱୀପରୁ ଆସିଛି।ରଣବୀର ତାଙ୍କ ଭୁଲ ବୁଝିବା ମାତ୍ରେ ସେ ତୁରନ୍ତ ଏହି ପୋଷ୍ଟକୁ ଡିଲିଟ କରିଦେଲେ। ତେବେ ସେତେବେଳକୁ ଏହି ପୋଷ୍ଟ ଭାଇରାଲ ହୋଇଥିଲା।
