ରସିକିଆ ପ୍ରେମିକ ସତ୍ୟଜିତ ସାମଲ ଗିରଫ ହେବା ପରେ ଧିରେ ଧିରେ ଖୋଲୁଛି ତାର ଗୁମର । ଶହେ ମହିଳାଙ୍କ ପ୍ରେମିକ ସତ୍ୟଜିତ ଗିରଫ ହେବା ପରେ ଥାନାରେ ହାଜର ହୋଇଛି ଲେଡି ପାର୍ଟନର । ଅଭିଯୁକ୍ତ ସତ୍ୟଜିତ ସାମଲ ରିମାଣ୍ଡରେ ଥିବା ବେଳେ ତାଙ୍କ ଆକାଉଣ୍ଟରୁ ୫୦ହଜାର ଟଙ୍କା ଉଠାଇ ବିବାଦରେ ଥିଲେ ଏହି ମହିଳା। ଗତ ଦୁଇ ମାସ ଭିତରେ ଏହି ମହିଳା ୧୦ଲକ୍ଷରୁ ଅଧିକ ଟଙ୍କା ନେଇ ଥିବା ସୂଚନା।
ତେଣୁ ଏସମ୍ବନ୍ଧରେ ଅଧିକ ପଚରାଉଚରା ପାଇଁ ସମନ ଜାରି କରି କ୍ୟାପିଟାଲ ଥାନାକୁ ଡକାଯାଇଥିଲା। ଆଉ ହାଜର ହୋଇ ପୋଲିସ ନିକଟରେ ତଥ୍ୟ ରଖିଛନ୍ତି।ସତ୍ୟଜିତଙ୍କ ସହ ତାଙ୍କର ସମ୍ପର୍କ କ’ଣ ସେନେଇ ପଚରାଉଚରା କରୁଛି ପୋଲିସ ।
