ବେଙ୍ଗାଲୁରୁରେ ମହିଳାଙ୍କୁ ହତ୍ୟା କରି ଫ୍ରିଜରେ ଲୁଚାଇ ରଖିବା ଘଟଣା । ପୋଲିସର ସନ୍ଦେହ ଘେରରେ ଥିବା ଯୁବକ ଗାଁକୁ ଆସି ଆତ୍ମହତ୍ୟା କରିଛନ୍ତି । ମୁଖ୍ୟ ସନ୍ଦିଗ୍ଧ ମୁକ୍ତିରଞ୍ଜନ ରାୟ ଓଡିଶାରେ ଆତ୍ମହତ୍ୟା କରିଛନ୍ତି । ବେଙ୍ଗାଲୁରୁର ଭାୟାଲିଭାଲରେ ରହୁଥିବା ମହିଳା ମହାଲକ୍ଷ୍ମୀ ହତ୍ୟାକାଣ୍ଡରେ ରୟଙ୍କୁ ବେଙ୍ଗାଲୁରୁ ପୋଲିସ ଚିହ୍ନଟ କରିଥିଲା । ବହୁ ଦିନର ଅନୁସନ୍ଧାନ ପରେ କର୍ତ୍ତୃପକ୍ଷ ତାଙ୍କ ଜିବା ଆସିବା ଉପରେ ନଜର ରଖିଥିଲେ । କେବଳ ଜାଣିବାକୁ ପାଇଲେ ଯେ ସେ ନିଜ ଜୀବନ ହାରିଛନ୍ତି ।
ତେବେ ସୁଚନା ମୁତାବକ ଭଦ୍ରକ ଜିଲ୍ଲା ଧୁଷୁରୀ ଥାନା ଭୂଇଁପୁର ଗାଁର ମୁକ୍ତିରଞ୍ଜନ ରାୟ ଦୀର୍ଘ ବର୍ଷ ହେବ ବେଙ୍ଗାଲୁରୁରେ ରହି ଆସୁଥିଲେ । କିନ୍ତୁ ଘରକୁ ଆସିବା ପରେ ଶ୍ମଶାନ ନିକଟରେ ଥିବା ଏକ ଗଛରେ ମୁକ୍ତିରଞ୍ଜନ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି । ମୁକ୍ତିରଞ୍ଜନ ବେଙ୍ଗାଲୁରୁରେ ଏକ ଘରୋଇ କମ୍ପାନୀରେ କାମ କରୁଥିଲେ । ପୋଲିସ ଘଟଣାସ୍ଥଳରୁ ଜବତ କରିଥିବା ବ୍ୟାଗରୁ ଲ୍ୟାପଟପ ଓ ଡାଇରୀ ଭଳି ଅନେକ ସାମଗ୍ରୀ ପାଇ ତଦନ୍ତ ଚଳାଇଛି । ବେଙ୍ଗାଲୁରୁରେ ମହିଳାଙ୍କୁ ହତ୍ୟା କରି ଦୀର୍ଘ ଦିନ ଧରି ଫ୍ରିଜରେ ରଖିବା ଘଟଣାରେ ମୁକ୍ତିରଞ୍ଜନକୁ ସନ୍ଦେହ ଘେରକୁ ଆସିଥିଲେ । ଘଟଣା ପରଠାରୁ ସେ ଫେରାର ହୋଇ ବୁଲୁଥିଲେ ।
ଖବର ଅନୁଯାୟୀ ଯେତେବେଳେ ମହାଲକ୍ଷ୍ମୀ ଅନ୍ୟ ଜଣେ ବ୍ୟକ୍ତିଙ୍କ ସହ ତାଙ୍କର କଥା ବାର୍ତ୍ତା ଚାଲିଥିଲା । ଯାହା ଦ୍ୱାରା ବାରମ୍ବାର ବିବାଦ ଦେଖାଦେଇଥିଲା । ତଦନ୍ତକାରୀମାନେ ବିଶ୍ୱାସ କରନ୍ତି ଯେ ଏହି ଟେନସନ ତାଙ୍କ ହତ୍ୟାରେ ପରିଣତ ହୋଇଥିଲା । ପାରିବାରିକ କଳହ ପରେ ମହାଲକ୍ଷ୍ମୀ ତାଙ୍କ ସ୍ୱାମୀଙ୍କୁ ଛାଡି ନଅ ମାସ ପୂର୍ବରୁ ବେଙ୍ଗାଲୁରୁ ଯାଇଥିଲେ । ସେ ସେଠି କାମ କରିବା ଆରମ୍ଭ କଲେ ଏବଂ ଖୁବ୍ ଶୀଘ୍ର ରୟଙ୍କ ନିକଟତର ହେଲେ । ଯାହା ଏକ ସମ୍ପର୍କ ପରେ ପରିଣତ ହେଲା । ସେମାନଙ୍କ ବ୍ରେକଅପ୍ ପରେ ଏକ ଦୁଃଖ ମୋଡ଼ ନେଇଗଲା ଏବଂ ମହାଲକ୍ଷ୍ମୀଙ୍କୁ ଅତି ନିର୍ମମ ଭାବରେ ହତ୍ୟା କରାଯାଇଥିଲା । ବେଙ୍ଗାଲୁରୁର ଭୟାଲିକାବାଲ ଠାରେ ଏହି ୨୯ ବର୍ଷୀୟ ମହିଳାଙ୍କୁ ହତ୍ୟା କରିବା ପରେ ମୃତଦେହକୁ ୫୦ ଖଣ୍ଡ କରିଥିଲେ । ଏହାପରେ ଏହାକୁ ରୁମରେ ଥିବା ଫ୍ରିଜ ମଧ୍ୟରେ ରଖି ଫେରାର ହୋଇଯାଇଥିଲା । ଘଟଣାକୁ ନେଇ କର୍ଣ୍ଣାଟକା ସମେତ ପୂରା ଦେଶରେ ଆଲୋଡ଼ନ ସୃଷ୍ଟି ହୋଇଛି ।
ବେଙ୍ଗାଲୁରୁ ପୋଲିସ ମୁକ୍ତିରଞ୍ଜନ ରୟଙ୍କୁ ମୁଖ୍ୟ ସନ୍ଦିଗ୍ଧ ବୋଲି ଚିହ୍ନଟ କରିବା ପରେ ତାଙ୍କୁ ଟ୍ରାକିଂ କରିବା ପାଇଁ ଏକ ଟିମ୍ ଆରମ୍ଭ କରିଥିଲା । ଏହି ଅପରାଧ କରିବା ପରେ ରୟ ପଶ୍ଚିମବଙ୍ଗକୁ ପଳାଇଥିବା ଜଣାପଡିଛି । ଯେଉଁଠାରେ ସେ ଲୁଚିବା ପୂର୍ବରୁ ତାଙ୍କ ଭାଇଙ୍କ ସହ ଯୋଗାଯୋଗ କରିଥିଲେ । ପୋଲିସ ତାଙ୍କ ମୋବାଇଲକୁ ଟ୍ରାକ୍ କରିଥିଲା । ଶନିବାର ୨୯ ବର୍ଷୀୟ ମହାଲକ୍ଷ୍ମୀଙ୍କ ଅଧା ପୋଚି ଯାଇଥିବା ଖଣ୍ଡବିଖଣ୍ଡିତ ମୃତଦେବକୁ ସେ ରହୁଥିବା ଆପାର୍ଟମେଣ୍ଟ ରୁମର ଫ୍ରିଜରୁ ଠାବ କରାଯାଇଥିଲା । ମହାଲକ୍ଷ୍ମୀ ବିବାହିତ ହୋଇଥିଲେ ହେଁ ସ୍ୱାମୀଙ୍କ ଠାରୁ ଅଲଗା ହୋଇ ଏକାକୀ ରହୁଥିଲେ । ଅନୁସନ୍ଧାନ ଅନୁଯାୟୀ, ତାଙ୍କ ମୃତଦେହ ମିଳିବା ପୂର୍ବରୁ ଅତି କମରେ ଦୁଇ ସପ୍ତାହ ପୂର୍ବରୁ ଏହି ଅପରାଧ କରାଯାଇଥିଲା । ମୁକ୍ତିରଞ୍ଜନ ରୟଙ୍କ ଆତ୍ମହତ୍ୟା ବର୍ତ୍ତମାନ ଅନେକ ପ୍ରଶ୍ନ ବାଚୀ ସୃଷ୍ଟି କରିଛି ।
