ଗତକାଲି ବିଜେଡି ନେତା ପ୍ରଣବ ପ୍ରକାଶ ଦାସ ଓରଫ ବବି ଦାସ ପୁଣି ଉପନିର୍ବାଚନ ଲଢିବା ପାଇଁ ଖୋଲା ସଭାରେ ରଣହୁଙ୍କାର ଦେଇଥିଲେ । ଯାହାକୁ ନେଇ ଚର୍ଚ୍ଚା ଲାଗିରହିଥିଲା ଯେ କ’ଣ ପୁଣି ଯାଜପୁର ଲଢିବେ? ତେବେ ଗୁରୁବାର ଯାଜପୁର ବିଧାୟିକା ସୁଜାତା ସାହୁ ଏକ ବଡ଼ ବୟାନ ଦେଇଛନ୍ତି । ସେ କହିଛନ୍ତି ଯେ ମୋର ଇସ୍ତଫା ଦେବାର ନାହିଁ । ମୁଁ ଇସ୍ତଫା ଦେବାର ନାହିଁ କି ପ୍ରଣବପ୍ରକାଶ ଉପନିର୍ବାଚନ ଲଢିବାର ନାହିଁ । ଯାହାଙ୍କ ପାଇଁ ମୁଁ ଏଯାଏଁ ଆସିଛି, ସେମାନେ ଏକଥା କହିନାହାନ୍ତି । ଯାହା ସବୁ ପ୍ରଚାର ଚାଲିଛି ସେଥିରେ କୌଣସି ସତ୍ୟତା ନାହିଁ । ମୁଁ ଇସ୍ତଫା ଦେବି ବୋଲି କହିନି କି ମୋ ନେତା ଉପନିର୍ବାଚନ ଲଢ଼ିବେ ବୋଲି କହିନାହାନ୍ତି ।
