ରାୟଗଡ଼ା : ରାୟଗଡା ପୋଲିସର ପାତରଅନ୍ତର ନୀତିକୁ ନେଇ ଜିଲା ଟ୍ରକ ମାଲିକ ସଂଘର ପ୍ରତିବାଦ ଓ ଥାନା ସାମ୍ନାରେ ଧାରଣା, ରାସ୍ତାରେ ଅଟକିଛି ଅନେକେ ଟ୍ରକ୍, ଆନ୍ଦ୍ରା କୁ ଯିବା ରାସ୍ତା ଅବରୋଧ।ରାୟଗଡାର ଟ୍ରକ ମାଲିକ ସଂଘର ସଭାପତି ଭେଙ୍କେଟେଶ୍ବର ରାଓ ଓରଫ୍ କୋଣ୍ଡା ବାବୁଙ୍କ ଡ୍ରାଇଭରକୁ ରାୟଗଡା ଟାଉନ୍ ଥାନା ପୁଲିସ ଏକ ମାମଲାରେ ଗିରଫ କରିଛି। ଗିରଫ୍ ଡ୍ରାଇଭର ହେଲେ ପି.ଗୈରୀଶଙ୍କର। ଏହାର ପ୍ରତିବାଦରେ ଶତାଧିକ ଲୋକେ ଟାଉନ୍ ଥାନାକୁ ଘେରାଉ କରିଛନ୍ତି। ପୂର୍ବରୁ ଡ୍ରାଇଭର ଙ୍କ ନାମରେ ଥିଲା ଜାମିନ ବିହୀନ ଗିରଫ୍ ପରୱାନା। ଆଜି ସକାଳୁ ଗୈରୀଶଙ୍କର କୁ ପୁଲିସ ଗିରଫ କରିବା ପରେ କୋଣ୍ଡା ବାବୁଙ୍କ ସମର୍ଥକ ଥାନା ଆଗରେ ଖଲାସ ପାଇଁ ଅଡି ବସିଛନ୍ତି। ଅନ୍ୟପକ୍ଷେ ଜିଲା ବିଜେଡ଼ି ସଭାପତି ଏନ୍. ଭାଷ୍କର ରାଓଙ୍କ ବିରୋଧରେ ମାଓବାଦୀଙ୍କ ସହିତ ସମ୍ପର୍କ ଥିବା ଓ ଜାତିଆଣ ମାମଲା ରହିଛି କିନ୍ତୁ ତାଙ୍କୁ ଗିରଫ ନକରି ପୁଣି ସୁରକ୍ଷା ଯୋଗଉଛି ମାତ୍ର ସଧାରଣ ଡ୍ରାଇଭର ଙ୍କୁ ଅମାନୁଷିକ ଭାବେ ଟାଣ ଉଟରା କରି ଗିରଫ କରିଛି ବୋଲି ଟ୍ରକ ମାଲିକ ସଂଘର ସଭାପତି ୱାୟି ଭେଙ୍କେଟେଶ୍ବର ରାଓ ଓରଫ୍ କୋଣ୍ଡାବାବୁ ଅଭିଯୋଗ କରିଛନ୍ତି, ଡ୍ରାଇଭର କୁ ଛଡାଯିବ ଓ ଭାଷ୍କର ରାଓଙ୍କ ଗିରଫ କରାଯିବା ପରେ ସମାଧାନ ହେବ ବୋଲି ସେ ସୁନାଇଛନ୍ତି।
ରାସ୍ତାରେ ଧାରଣା ଦେବା ଫଳରେ ରାସ୍ତା ଜାମ୍ ହୋଇ ଗାଡି ଚଳାଚଳ ବାଧାପ୍ରପ୍ତ ହୋଇଛି। ରାଞ୍ଚି ବିଜୟୱାଡା କରିଡର ରାସ୍ତାର ଉଭୟ ପାର୍ଶ୍ଵରେ ଶତାଧିକ ଚାରି ଚକିଆ ଯାନ ଠିଆ ହୋଇଛି। ଅନ୍ଯପଟେ ରାସ୍ତା ଜାମ୍ ଥିବା ଯୋଗୁଁ ଜିଲ୍ଲା ମୁଖ୍ଯ ଚିକିତ୍ସାଳୟ କୁ କୈଣସି ଆମ୍ବୁଲାନ୍ସ ଯାତିୟତ କରିପାରିନି। ଏବେ ବି ଥାନା ଆଗରେ ଧାରଣାରେ ବସିଛନ୍ତି ଶତାଧିକ ସମର୍ଥକ। ଅନ୍ଯପଟେ ଏହି ଘଟଣାରେ ପୁଲିସ ଅଧିକାରୀଙ୍କ ପ୍ରତିକ୍ରିୟା ମିଳିନି।
