ଭୋଟରମାନେ ଯେଭଳି ଶୀଘ୍ର ଫଟୋ ପରିଚୟ ପତ୍ର ପାଇପାରିବେ, ସେ ନେଇ ନିର୍ବାଚନ କମିଶନ ଭୋଟରମାନଙ୍କୁ ପରିଚୟ ପତ୍ର ପଠାଇବା କାର୍ଯ୍ୟ ଦ୍ରୁତ ଗତିରେ କରିବାକୁ ନିଷ୍ପତ୍ତି ନେଇଛନ୍ତି। ଏଣିକି ଭୋଟର ପରିଚୟ ପତ୍ର (ଇପିଆଇସି) ୧୫ ଦିନ ମଧ୍ୟରେ ଭୋଟରଙ୍କୁ ପହଞ୍ଚାଇ ଦିଆଯିବ, ଯାହା ପୂର୍ବରୁ ଲାଗୁଥିବା ସମୟକୁ ପ୍ରାୟ ଅଧା କରିଦେଇଛି। ଅଧିକାରୀମାନେ ଜଣାଇଛନ୍ତି ଯେ ଏହା ପୂର୍ବରୁ ଭୋଟର ଫୋଟୋ ପରିଚୟ ପତ୍ର (ଇପିଆଇସି) ଭୋଟରଙ୍କୁ ପହଞ୍ଚାଇବାକୁ ଏକ ମାସରୁ ଅଧିକ ସମୟ ଲାଗୁଥିଲା।କମିଶନଙ୍କ ଅନୁଯାୟୀ ନୂତନ ବ୍ୟବସ୍ଥା ନିର୍ବାଚନ ପଞ୍ଜିକରଣ ଅଧିକାରୀ ଦ୍ୱାରା ଭୋଟର ଫଟୋ ପରିଚୟ ପତ୍ର ଜେନେରେସନ୍ ଠାରୁ ଭୋଟରମାନଙ୍କୁ ଭୋଟର ଫଟୋ ପରିଚୟ ପତ୍ର ପ୍ରଦାନ ପର୍ଯ୍ୟନ୍ତ ପ୍ରତ୍ୟେକ ପର୍ଯ୍ୟାୟର ପ୍ରକୃତ ସମୟ ଟ୍ରାକିଂ ସୁନିଶ୍ଚିତ କରିବ। ପ୍ରତ୍ୟେକ ପର୍ଯ୍ୟାୟରେ ଭୋଟରମାନେ ଏସଏମଏସ ମାଧ୍ୟମରେ ମଧ୍ୟ ସୂଚନା ପାଇବେ।ଏହି ଉଦ୍ଦେଶ୍ୟରେ ନିର୍ବାଚନ ଆୟୋଗ ତାଙ୍କର ନିକଟରେ ଲଞ୍ଚ ହୋଇଥିବା ଇସିଆଇନେଟ ପ୍ଲାଟଫର୍ମରେ ଏକ ନିର୍ଦ୍ଦିଷ୍ଟ ଆଇଟି ମଡ୍ୟୁଲ ପ୍ରଚଳନ କରିଛନ୍ତି।
ଏହି ନୂଆ ଆଇଟି ପ୍ଲାଟଫର୍ମ ବର୍ତ୍ତମାନର ବ୍ୟବସ୍ଥାକୁ ପୁନଃଇଞ୍ଜିନିୟରିଂ କରି କାର୍ଯ୍ୟପ୍ରବାହକୁ ସୁଗମ କରି ପୂର୍ବ ପ୍ରକ୍ରିୟାକୁ ବଦଳାଇବ।ଡାକ ବିଭାଗର ଆପ୍ଲିକେସନ ପ୍ରୋଗ୍ରାମ ଇଣ୍ଟରଫେସ (ଏପିଆଇ) ଇସିଆଇନେଟ ସହ ଏକୀକୃତ ହେବ ଯାହା ଦ୍ୱାରା ନିରବଚ୍ଛିନ୍ନ ଡେଲିଭରୀ ସୁନିଶ୍ଚିତ ହେବ ବୋଲି ଇସି କହିଛନ୍ତି।
