ଅଗଷ୍ଟ ପହିଲାରୁ UPI ନିୟମରେ ବଡ଼ ପରିବର୍ତ୍ତନ !

ଅଗଷ୍ଟ ପହିଲାରୁ ୟୁପିଆଇ ନିୟମରେ ବଡ଼ ପରିବର୍ତ୍ତନ ହେବାକୁ ଯାଉଛି । ଏହିସବୁ ନିୟମ ବିଷୟରେ ଜାଣିବା ନିହାତି ଜରୁରୀ । UPI ଇକୋସିଷ୍ଟମକୁ ତଦାରଖ କରୁଥିବା ନ୍ୟାଶନାଲ ପେମେଣ୍ଟ୍ସ କର୍ପୋରେଶନ ଅଫ ଇଣ୍ଡିଆ (NPCI), ସିଷ୍ଟମ ଉପରେ ଚାପ କମାଇବା ସହିତ ପେମେଣ୍ଟ ବିଳମ୍ବ ଏବଂ ବିଫଳ କାରବାର ଭଳି ସମସ୍ୟାକୁ କମ୍‌ କରିବା ପାଇଁ କିଛି ନୂତନ ସୀମା ଲାଗୁ କରିବାକୁ ଯାଉଛି। ଏହି କାରଣରୁ, ବାଲାନ୍ସ ଯାଞ୍ଚ ଏବଂ ରିଫ୍ରେଶିଂ ସ୍ଥିତି ଭଳି ଜିନିଷ ଉପରେ ସୀମା ଲାଗୁ କରାଯିବ।୨୦୧୪ରେ ମୋଦୀ ସରକାର ଆସିବା ଗତ ୨୦୧୬ରେ ୟୁପିଆଇର ଶୁଭାରମ୍ଭ ହୋଇଥିଲା । ଏହା ଆଜିର ଡିଜିଟାଲ୍‌ ଯୁଗ ପାଇଁ ଏହା କୌଣସି ମାଷ୍ଟରଷ୍ଟ୍ରୋକ୍‌ରୁ କମ୍‌ ନୁହେଁ । ଏବେ ସୁଦ୍ଧା ୟୁପିଆଇ ନିୟମରେ ଅନେକ ପରିବର୍ତ୍ତନ ଦେଖିବାକୁ ମିଳିଛି । ୟୁପିଆଇର ବ୍ୟବହାର ବୃଦ୍ଧି ପାଇଛି । ଏଣୁ ଏବେ ପୁଣି ଏକ ବଡ଼ ପରିବର୍ତ୍ତନ କରିବାକୁ ଯାଉଛି NPCI । ଅଗଷ୍ଟ ମାସରୁ, UPI ଉପଭୋକ୍ତାମାନେ ଦିନକୁ କେବଳ ୫୦ଥର ସେମାନଙ୍କର ଆକାଉଣ୍ଟ ବାଲାନ୍ସ ଯାଞ୍ଚ କରିପାରିବେ। ସେହିପରି, ଉପଭୋକ୍ତାମାନେ UPI ଆପରେ ସେମାନଙ୍କ ଫୋନ ନମ୍ବର ସହିତ ଲିଙ୍କ ହୋଇଥିବା ବ୍ୟାଙ୍କ ଆକାଉଣ୍ଟକୁ ଦିନକୁ କେବଳ ୨୫ଥର ଦେଖିପାରିବେ। ଅନାବଶ୍ୟକ ଟ୍ରାଫିକ ହ୍ରାସ କରିବା ପାଇଁ ଏହି ନୂତନ ସୀମା ସ୍ଥିର କରାଯାଉଛି ଯାହା ଦ୍ୱାରା ଦିନରେ ଅତ୍ୟଧିକ ବ୍ୟବହାର ସମୟରେ ସିଷ୍ଟମ ଧୀର ନହୁଏ ଏବଂ କାରବାରରେ କୌଣସି ସମସ୍ୟା ନହୁଏ। ଯଦି ନେଟୱାର୍କରେ ଅନାବଶ୍ୟକ ଲୋଡ ହ୍ରାସ କରାଯାଏ, ତେବେ ସିଷ୍ଟମ ମଧ୍ୟ ଦ୍ରୁତ ଏବଂ ଅଧିକ ସୁରକ୍ଷିତ ଭାବରେ କାମ କରିବ।UPI ଭାରତରେ NPCI ଅଧୀନରେ କାର୍ଯ୍ୟ କରୁଛି । NPCI ହେଉଛି ଏକ ନନ୍-ପ୍ରଫିଟ୍ ଅର୍ଗାନାଇଜେସନ୍, ଯାହାକୁ RBI ଓ Indian Banks’ Association (IBA) ଦ୍ୱାରା୨୦୦୮ ମସିହାରେ ସ୍ଥାପନ କରାଯାଇଥିଲା ।