ଆତଙ୍କବାଦୀଙ୍କ ପାଇଁ ସୁରକ୍ଷିତ ସ୍ଥଳ ପାଲଟିଛି ପାକିସ୍ତାନ। ଏପରିକି ପାକିସ୍ତାନ ମଧ୍ୟ ନିଜ ମାଟିରେ ସକ୍ରିୟ ଥିବା ଆତଙ୍କବାଦୀ ସଂଗଠନକୁ ପାଣ୍ଠି ଯୋଗାଉଛି।। ଇରାନ ଜୈଶ ଅଲ-ଅଦଲ ଆତଙ୍କବାଦୀ ଗୋଷ୍ଠୀ ସହ ଜଡିତ ଦୁଇଟି ଆତଙ୍କବାଦୀ ବେସ ଉପରେ ବୋମା ପକାଇ ପାକିସ୍ତାନର ଗୁମର ଖୋଲିଛି। ପାକିସ୍ତାନରେ କାର୍ଯ୍ୟ କରୁଥିବା ଆତଙ୍କବାଦୀ ସଂଗଠନର ଶିବିର ଉପରେ ଇରାନ ସର୍ଜିକାଲ ଷ୍ଟ୍ରାଇକ କରିଛି ଏବଂ ପାକିସ୍ତାନ ଅନୁଯାୟୀ ଏହି ଆକ୍ରମଣରେ ଦୁଇ ଶିଶୁ ପ୍ରାଣ ହରାଇଛନ୍ତି।
ଏହି ପଦକ୍ଷେପ ପାଇଁ ଇରାନକୁ ବଡ଼ ପରିଣାମର ସମ୍ମୁଖୀନ ହେବାକୁ ପଡିବ ବୋଲି ଚେତାବନୀ ଦେଇଛି ପାକିସ୍ତାନ ତେବେ ଆତଙ୍କବାଦୀ ସଂଗଠନକୁ ନିୟନ୍ତ୍ରଣ କରିବା ପାଇଁ ଇରାନ ପାକିସ୍ତାନକୁ ଅନେକ ଥର ଚେତାବନୀ ମଧ୍ୟ ଦେଇଛି।ଇରାନର ଆକ୍ରମଣ ପରେ ଆତଙ୍କବାଦୀ ସଂଗଠନ ଜୈଶ ଅଲ-ଅଦଲ ମଧ୍ୟ ଏକ ବିବୃତ୍ତି ଜାରି କରି କହିଛନ୍ତି ଯେ ଇରାନ ବାଲୁଚିସ୍ତାନରେ ନିଜର ଯୋଦ୍ଧାର ଘରକୁ ଟାର୍ଗେଟ କରିଛି। ଏହାର ଅର୍ଥ ହେଉଛି ଆତଙ୍କବାଦୀ ସଂଗଠନ ମଧ୍ୟ ସ୍ବୀକାର କରିଛନ୍ତି ଯେ ବାଲୁଚିସ୍ତାନରେ ଏହାର ଆତଙ୍କବାଦୀମାନେ ଉପସ୍ଥିତ ଅଛନ୍ତି।
