ବିହାରର ଔରଙ୍ଗାବାଦ ଜିଲ୍ଲାରେ ୫ ଜଣ ନାବାଳିକା ସାଙ୍ଗ ବିଷର ସ୍ୱାଦ କିପରି ବୋଲି ଚାଖୁଥିଲେ । ଯାହା ଫଳରେ ୪ ଜଣଙ୍କର ମୃତ୍ୟୁ ହୋଇଛି।ଏବେ ଏହି ଘଟଣା ସାରା ଜିଲ୍ଲାରେ ଚାଞ୍ଚଲ୍ୟ ଖେଳାଳି ଦେଇଛି। ପୋଲିସ ଝିଅଟିର ବୟାନ ରେକର୍ଡ କରିଛି ଏବଂ ଘଟଣାର ତଦନ୍ତ କରୁଛି । ଘଟଣା ଜାନୁଆରୀ ୨୯ ତାରିଖରେ ଔରଙ୍ଗାବାଦ ଜିଲ୍ଲାର ମୋତି ବିହାରା ଗାଁରେ ଘଟିଥିଲା । ୫ ଜଣ ନାବାଳିକା ଝିଅ ଏକ ବିଲକୁ ଯାଇଥିଲେ, କିନ୍ତୁ କେବଳ ଜଣେ ହିଁ ଘରକୁ ଫେରିଥିଲେ। ୪ ଜଣଙ୍କ ମୃତ୍ୟୁ ହୋଇଥିଲା। ଏକମାତ୍ର ବଞ୍ଚିଥିବା ଝିଅ ଘଟଣା ବାବଦରେ ବର୍ଣ୍ଣନା କରିଥିଲେ ।୧୪ ବର୍ଷୀୟା ଝିଅଙ୍କ ଅନୁଯାୟୀ, ସେମାନେ ସମସ୍ତେ ଏକ ନିର୍ଜନ ଅଞ୍ଚଳକୁ ଯାଇ ଏକ ବିଷାକ୍ତ ପଦାର୍ଥ ଖାଇଥିଲେ ଯାହା ସାଧାରଣତଃ ବଗ ମାରିବା ପାଇଁ ବ୍ୟବହୃତ ହେଉଥିଲା । ସେ କହିଥିଲେ ଯେ ସେମାନେ ସମସ୍ତେ ଏହାକୁ ସ୍ୱାଦ ପାଇଁ ଖାଇଥିଲେ। ୫ ଜଣଙ୍କ ମଧ୍ୟରୁ ଜଣେ ବଞ୍ଚିଗଲେ କିପରି ? ଚିକିତ୍ସାଧୀନ ଝିଅଟି କହିଲା, “ମୋ ବନ୍ଧୁ କହିଲା, ‘ଆସ, ଏହାକୁ ଖାଇ ଦେଖିବା ଏବଂ ଦେଖିବା ଯେ ଆମେ ବଞ୍ଚିବୁ କି ମରିବୁ ।’ ସେମାନେ ପାଣି ସହିତ ବଗକୁ ମାରିବା ପାଇଁ ବ୍ୟବହୃତ ବିଷ ଚାଖିଥିଲେ। ମୁଁ ବହୁତ କମ୍ ଖାଇଲି ଏବଂ ତୁରନ୍ତ ଛେପ କାଢି ଦେଇଥିଲି, ଯାହା ଫଳରେ ମୁଁ ବଞ୍ଚିଗଲି । ” ଅନ୍ୟ ୪ ବନ୍ଧୁଙ୍କୁ ତାଙ୍କ ଆଖି ସାମ୍ନାରେ ଝଟପଟ ହୋଇ ଆଖିବୁଜିଥିବା ଦେଖିବା କହିଛନ୍ତି । ଭୟଭୀତ ଝିଅଟି ଘରକୁ ଦୌଡ଼ି ଦୌଡ଼ି ତାଙ୍କ ପରିବାରକୁ ସମସ୍ତ ଘଟଣା କହିଥିଲେ । ତାଙ୍କ ପରିବାର ତୁରନ୍ତ ତାଙ୍କୁ ବାନ୍ତି କରାଇବା ପାଇଁ ନିମ୍ବ ପତ୍ରର ଦ୍ରବଣ ଦେଇଥିଲେ ଏବଂ ସେ ବଞ୍ଚିଗଲେ ସମସ୍ତ ଝିଅଙ୍କ ବୟସ ୧୨ ରୁ ୧୫ ବର୍ଷ ମଧ୍ୟରେ ଥିଲା । ମୃତ ଝିଅଙ୍କ ପରିବାର ଲୋକେ ୪ ଜଣଙ୍କୁ ଏକାଠି ଗୋଟିଏ ଚିତାରେ ଶେଷକୃତ୍ୟ କରିଥିଲେ । ପୋଲିସ ଚିକିତ୍ସାଧୀନ ନାବାଳିକାଙ୍କ ବୟାନ ରେକର୍ଡ କରିଛି ଏବଂ ମାମଲାର ପ୍ରତ୍ୟେକ ଦିଗର ତଦନ୍ତ କରୁଛି ।
