ପ୍ରଶାନ୍ତ ବର୍ମାଙ୍କ ନିର୍ଦ୍ଦେଶନାରେ ନିର୍ମିତ ଫିଲ୍ମ ‘ହନୁମାନ’ ରିଲିଜ ସହ ରଚିଥିଲା ଇତିହାସ। ଏଥିରେ ନୂଆ କଳକାରଙ୍କୁ କାଷ୍ଟ କରାଯାଇଥିଲା। ହେଲେ ବକ୍ସ ଅଫିସରେ ଏହା ସୁପରହିଟ୍ ସାବ୍ୟସ୍ତ ହୋଇଥିଲା। ଫିଲ୍ମଟି ସୁପରଷ୍ଟାର ପ୍ରଭାସଙ୍କୁ ପଛରେ ପକାଇଥିବା ବେଳେ ଏବେ ବଡ଼ ଅପ୍ଡେଟ୍ ଆସିଛି।ଖବର ଅନୁଯାୟୀ, ତେଜା ସଜାଙ୍କ ହନୁମାନ ଲୋକଙ୍କୁ ଏତେ ପ୍ରଭାବିତ କରିଥିଲା ଯେ ବର୍ତ୍ତମାନ ନିର୍ମାତାମାନେ ଏହାର 3D ଭର୍ସନ ପ୍ରକାଶ କରିବାକୁ ନିଷ୍ପତ୍ତି ନେଇଛନ୍ତି।
ଟଲିଉଡର ସର୍ବାଧିକ ଆୟ କରିଥିବା ଚଳଚ୍ଚିତ୍ର ତାଲିକାରେ ଏହି ଫିଲ୍ମ ୮ ନମ୍ବରରେ ପହଞ୍ଚିଛି। ରିଲିଜ୍ ପରେ ଲୋକମାନେ ଫିଲ୍ମକୁ ଅଧିକ ପସନ୍ଦ କରିଥିଲେ କାରଣ ଏଥିରେ କୌଣସି ବଡ ତାରକା ନଥିଲେ । ତଥାପି, ଚଳଚ୍ଚିତ୍ରର ପ୍ରତ୍ୟେକ ଚରିତ୍ର ଏତେ ବାସ୍ତବ ଅଭିନୟ କରିଥିଲେ ଯେ ଲୋକମାନଙ୍କ ହୋସ୍ ଉଡିଯାଇଥିଲା।ରିପୋର୍ଟରେ କୁହାଯାଇଛି ଯେ ନିର୍ମାତାମାନେ ଏହି ଗ୍ରୀଷ୍ମ ସମୟରେ ସାରା ଦେଶରେ 3D ଭର୍ସନ ମୁକ୍ତଲାଭ କରିପାରନ୍ତି। ତେବେ ଏ ସମ୍ପର୍କରେ ଏକ ଅଫିସିଆଲ ଘୋଷଣା ଖୁବ ଶୀଘ୍ର ହେବ ବୋଲି ଆଶା କରାଯାଉଛି।
