ବଲିଉଡ୍ର ଆକ୍ସନଷ୍ଟାର ବିଦ୍ୟୁତ ଜାମୱାଲ। ସେ ତାଙ୍କର ଆଗାମୀ ଚଳଚ୍ଚିତ୍ର ‘କ୍ରାକ୍’ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି । ହେଲେ ଏହାରି ମଧ୍ୟରେ ତାଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି । ବର୍ତ୍ତମାନ ସେ ରେଳବାଇ ପୋଲିସର ହେପାଜତରେ ଅଛନ୍ତି। ଯିଏ ଏକ ବିପଦପୂର୍ଣ୍ଣ ଷ୍ଟଣ୍ଟ ପ୍ରଦର୍ଶନ କରି ଗିରଫ ହୋଇଥିଲେ।ରେଲଓ୍ବେ ସୁରକ୍ଷା ବଳ (ଆରପିଏଫ) ର ବାନ୍ଦ୍ରା କାର୍ଯ୍ୟାଳୟରୁ ଏକ ଫଟୋ ସାମ୍ନାକୁ ଆସିଛି ଯେଉଁଥିରେ ବିଦ୍ୟୁତଙ୍କୁ ପୋଲିସ ଷ୍ଟେଶନରେ ଦେଖିବାକୁ ମିଳୁଛି।
ସୂଚନାନୁସାରେ, ବିପଦପୂର୍ଣ୍ଣ ଷ୍ଟଣ୍ଟ ପ୍ରଦର୍ଶନ ଅଭିଯୋଗରେ ଅଭିନେତାଙ୍କୁ ଗିରଫ କରାଯାଇଥିଲା। ତେବେ ଏପର୍ଯ୍ୟନ୍ତ ଅଭିଯୋଗର କୌଣସି ସରକାରୀ ନିଶ୍ଚିତକରଣ ହୋଇନାହିଁ। ୱେବସାଇଟ ଅନୁଯାୟୀ, ଆରପିଏଫ କାର୍ଯ୍ୟାଳୟ ବାନ୍ଦ୍ରା ରେଳ ଷ୍ଟେଶନର ପ୍ଲାଟଫର୍ମ ନମ୍ବର ୧ ରେ ଅବସ୍ଥିତ।
