କାର୍ତ୍ତିକ ମାସ ଆରମ୍ଭ ହେବାକୁ ମାତ୍ର ଦୁଇ ଦିନ ବାକି । ଓଡ଼ିଶାର ସମସ୍ତ ଆମିଷ ବଜାରରେ ଏବେ ପ୍ରବଳ ଭିଡ଼ ଦେଖିବାକୁ ମିଳୁଛି । କାରଣ ମାସସାରା ସମ୍ପୂର୍ଣ୍ଣ ନିରାମିଷ ଖାଇବା ପୂର୍ବରୁ ଲୋକେ ନିଜ ମନପସନ୍ଦର ମାଛ ଓ ମାଂସ ଖାଇବାକୁ ଚାହୁଁଛନ୍ତି । ବର୍ତ୍ତମାନ ବଜାରରେ ଏଭଳି ଅସମ୍ଭାଳ ଭିଡ଼ ଦେଖିବାକୁ ମିଳିଛି । ସେଥିପାଇଁ ବ୍ୟବସାୟୀମାନେ ଏହି ଶେଷ ଦୁଇ ଦିନରେ ଅଧିକ ସାମଗ୍ରୀ ମହଜୁଦ ରଖି ଭଲ ଲାଭ କରିବାକୁ ଚେଷ୍ଟା କରନ୍ତି । ଛାଡ଼ଖାଇରେ ଯେମିତି ଭିଡ଼ ହୋଇଥାଏ, ଆଜି ଠିକ୍ ସେଭଳି ଭିଡ଼ ହୋଇଛି। ଅନ୍ୟପଟେ ରାଜ୍ୟ ବଜାରରେ ପରିବା ଦର ଆକାଶଛୁଆଁ ହୋଇଛି, ଯାହା ସାଧାରଣ ଲୋକ ଓ ହବିଷ୍ୟାଳିମାନଙ୍କ ଚିନ୍ତାକୁ ବହୁତ ବଢ଼ାଇ ଦେଇଛି। ଚଳିତ ଅକ୍ଟୋବର ୨୦୨୬ରେ କାର୍ତ୍ତିକ ମାସ ପାଇଁ ଓଡ଼ିଶାର ପ୍ରମୁଖ ସହର ଯେମିତିକି ଭୁବନେଶ୍ୱର, କଟକ ଓ ବ୍ରହ୍ମପୁର ବଜାରରେ ପ୍ରାୟ ସବୁ ପରିବା ଦର କିଲୋ ପ୍ରତି ୫୦ ଟଙ୍କାରୁ ଅଧିକ ରହିଛି ଏବଂ କିଛି ପରିବା ୧୦୦ ଟଙ୍କା ପାଖାପାଖି ପହଞ୍ଚିଲାଣି।
