ବିଦ୍ୟାଳୟରେ ଗୁରୁଙ୍କୁ ମାଡ଼ ମାରି ଫେରାର୍ ହୋଇଥିବା ଅଭିଯୁକ୍ତ ଗଛ ଚଢି କରୁଛି ହାଇଡ୍ରାମା। ଗିରଫ ଭୟରେ ଘଣ୍ଟା ଘଣ୍ଟା ଧରି ଗଛ ଉପରେ ବସିରହିିଥିଲା ଲିପୁ ବିଶ୍ୱାଳ। ତଳେ ଜାଲ ପକାଇ ସିଡ଼ି ଲଗାଇ ନାକେଦମ ହେଇଥିଲେ ପୋଲିସ ଓ ଅଗ୍ନିଶମ ବାହିନୀ।ପୁରୀ ଜିଲ୍ଲା ଅସ୍ତରଙ୍ଗ ଥାନା ରାଇବେରୁଆ ଗାଁରେ ଏଭଳି ଘଟଣା ଘଟିଛି । ସୂଚନାମୁତାବକ ଗତ କାଲି ଅସ୍ତରଙ୍ଗ ବ୍ଲକ ସରିପୁର ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଅକ୍ଷୟ ବିଶ୍ବାଳଙ୍କୁ ମରଣାନ୍ତକ ଆକ୍ରମଣ କରିଥିଲେ କିଛି ଲୋକ । ଗୁରୁତର ପ୍ରଧାନ ଶିକ୍ଷକଙ୍କୁ କ୍ୟାପିଟାଲ ହସ୍ପିଟାଲ ସ୍ଥାନାନ୍ତର କରାଯାଇଛି । ଘଟଣାରେ ପୋଲିସ କିଛି ଲୋକଙ୍କ ଗିରଫ କରିଛି । ଅନ୍ୟ ଅଭିଯୁକ୍ତ ଲିପୁ ବିଶ୍ବାଳକୁ ଗିରଫ ପାଇଁ ଯାଇଥିବାବେଳେ ପୋଲିସକୁ ଚକମା ଦେଇ ଗଛ ଉପରେ ବସି ରହିଥିଲା ଅଭିଯୁକ୍ତ । ଦୀର୍ଘ ୬ ଘଣ୍ଟା ପରେ ଅଭିଯୁକ୍ତକୁ କାବୁ କିଥିଲା ପୋଲିସ। ଅଭିଯୁକ୍ତକୁ ଗିରଫ ପରେ କୋର୍ଟରେ ହାଜର କରାଯାଇଛି । ବିଦ୍ୟା ମନ୍ଦିରରେ ଗୁରୁଙ୍କ ଉପରେ ଆକ୍ରମଣ ଘଟଣାକୁ ନେଇ ସାରା ଅଞ୍ଚଳରେ କ୍ଷୋଭ।ଅସ୍ତରଙ୍ଗ ପୋଲିସ କହିଛି, ସମସ୍ତ ଅଭିଯୁକ୍ତଙ୍କୁ ଗିରଫ କରି ଦୃଢ଼ କାର୍ଯ୍ୟାନୁଷ୍ଠାନ ହେବ।
