ବିଜନେସ୍ ଟାଇକୁନ୍ ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀ ବିବାହ କରିବେ। ଏହାକୁ ନେଇ ପ୍ରି-ଓ୍ବେଡିଂ କାର୍ଯ୍ୟକ୍ରମ ଆଜିଠାରୁ ଆରମ୍ଭ ହୋଇଛି। ଗ୍ଲୋବାଲ ପପ୍ ଷ୍ଟାର ରିହାନା ଏଥିରେ ଗୀତ ଗାଇବେ। ଏଥିଲାଗି ସେ ଗୁରୁବାର ଜାମନଗରରେ ପହଞ୍ଚି ସାରିଲେଣି। କୁହାଯାଉଛି ଯେ ଅମ୍ବାନୀଙ୍କ ପକ୍ଷରୁ ତାଙ୍କୁ ମୋଟା ପାଉଣା ମଧ୍ୟ ମିଳିଛି।ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ ଆମେରିକାର ପ୍ରସିଦ୍ଧ ପପ୍ ଗାୟକ ରିହାନାଙ୍କୁ 8/9 ମିଲିୟନ୍ ଡଲାର୍ ପ୍ରଦାନ କରାଯାଇଛି।
ଯଦି ଆମେ ଏହି ପରିମାଣକୁ ଟଙ୍କାରେ ପରିଣତ କରୁ ତେବେ ଏହାର ମୂଲ୍ୟ ହେବ ୬୬ ରୁ ୭୪ କୋଟି। ଏହି ଗ୍ରାଣ୍ଡ ଇଭେଣ୍ଟକୁ ୧୦୦୦ରୁ ଅଧିକ ଅତିଥିଙ୍କୁ ନିମନ୍ତ୍ରଣ କରାଯାଇଛି ଏବଂ VVIP ତାଲିକାରେ ବିଲ୍ ଗେଟ୍ସ ଏବଂ ମାର୍କ ଜୁକରବର୍ଗଙ୍କ ସମେତ ଅନେକ ବଡ ବ୍ୟକ୍ତିତ୍ୱ ଅଛନ୍ତି।
