ଆଜିଠାରୁ ରାଜ୍ୟରେ ଦିନ ତାପମାତ୍ରା କମିବାର ସମ୍ଭାବନା ରହିଛି। ପୂର୍ବ ଭାରତ ଉପରେ ଦୁଇଟି ନିମ୍ନଚାପ ରେଖା ସକ୍ରିୟ ରହିଥିବାରୁ ରାଜ୍ୟର ପାଗରେ ପରିବର୍ତ୍ତନ ଆସିଛି । ଏହାର ପ୍ରଭାବରେ ଆଜି ବିଭିନ୍ନ ଜିଲ୍ଲାରେ ବିଜୁଳି, ଘଡ଼ଘଡ଼ି ସହ ବର୍ଷା ହୋଇପାରେ। ବିଶେଷକରି ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, କଟକ, ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର ଓ ଦେବଗଡ଼ ସମେତ ୧୪ଟି ଜିଲ୍ଲାରେ ବଜ୍ରପାତ ଓ ଝଡ଼ପବନ ଆଶଙ୍କା ରହିଛି । ଏଥିପାଇଁ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି ।ଏହାରି ମଧ୍ୟରେ ରାଜ୍ୟରୁ ଦକ୍ଷିଣ-ପଶ୍ଚିମ ମୌସୁମୀ ବାୟୁର ପ୍ରତ୍ୟାବର୍ତ୍ତନ ପ୍ରକ୍ରିୟା ଜାରି ରହିଛି। ଆଜି ପରେ ଆକାଶ ଧୀରେ ଧୀରେ ନିର୍ମଳ ହେବା ସହ ପାଗରେ ସୁଧାର ଆସିବା ଆଶା କରାଯାଉଛି ।
