ବେଟିଂ ଆପକୁ ନେଇ ଅଡୁଆରେ ଯୁବରାଜ ସିଂ, ରବିନ ଉଥପ୍ପା

ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂହ ଓ ରବିନ ଉଥାପ୍ପାଙ୍କ ବଢିଲା ଅଡୁଆ । ଅନଲାଇନ୍ ବେଟିଂ ଆପ୍ ମାମଲାରେ ସମନ ଜାରି କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ED ଉଭୟଙ୍କୁ ନୋଟିସ୍ ପଠାଇ ପଚରାଉଚରା ପାଇଁ ଡକାଯାଇଛି । ଭାରତର ଏହି ପୂର୍ବତନ କ୍ରିକେଟରଙ୍କୁ ଅନଲାଇନ୍ ବେଟିଂ ଆପ୍ ମାମଲାରେ ପଚରାଉଚରା କରାଯିବ । ଏହି ମାମଲାରେ ED ଆଗରେ ହାଜର ହେବାକୁ ଥିବା ଉଥାପ୍ପା ପ୍ରଥମ କ୍ରିକେଟର ନୁହନ୍ତି । ତାଙ୍କ ପୂର୍ବରୁ ସୁରେଶ ରାଇନା ଏବଂ ଶିଖର ଧାୱନଙ୍କୁ ମଧ୍ୟ ଏହି ମାମଲାରେ ସମନ କରାଯାଇଥିଲା । ଭାରତୀୟ କ୍ରିକେଟରଙ୍କୁ ED ର ପଚରାଉଚରା ସମ୍ପୂର୍ଣ୍ଣ ମାମଲାଟି ବେଟିଂ ଆପ୍ 1xBet ସହିତ ଜଡ଼ିତ । ପ୍ରବର୍ତ୍ତନ ନିର୍ଦ୍ଦେଶାଳୟ ଗତ କିଛି ସମୟ ଧରି ଅନଲାଇନ୍ ବେଟିଂ ପ୍ଲାଟଫର୍ମଗୁଡ଼ିକ ବିରୁଦ୍ଧରେ ତଦନ୍ତକୁ ତ୍ୱରାନ୍ୱିତ କରିଛି । ସେହି ସମୟରେ, ଅଭିନେତା ସୋନୁ ସୁଦଙ୍କୁ ସେପ୍ଟେମ୍ବର ୨୪ରେ ପଚରାଉଚରା ପାଇଁ ଡକାଯାଇଛି। ସୂତ୍ର ଅନୁସାରେ, ଅଭିନେତ୍ରୀ ଉର୍ବଶୀ ରାଉତେଲା ଏପର୍ଯ୍ୟନ୍ତ ED କୁ ସ୍ପଷ୍ଟ କରିନାହାଁନ୍ତି ଯେ ସେ ତଦନ୍ତରେ ଯୋଗଦେବେ କି ନାହିଁ। ଏଜେନ୍ସି ବର୍ତ୍ତମାନ ତାଙ୍କ ପକ୍ଷ ଅପେକ୍ଷା କରିଛି।